Поврзи се со нас

Фудбал

Владата донесе нови мерки против Ковид 19, но нема да важат за спортските клубови

Одлуката на Владата за забрана за собирања во групи (групирање) на повеќе од четири лица на јавен простор, односно паркови, јавни површини или било каде на отворен простор во текот на целиот ден, цела седмица, која ја донесе на 18-тата седница, има точно дефинирани исклучоци. Па, ваквата одлука нема да важи за спортистите и спортските клубови, односно за тренинзи и натпревари. Сепак, за спортските настани остануваат да важат останатите мерки кои се донесени пред извесно време, а тоа е забрана за публика, задолжително тестирање пред секој натпревар.

  1. За родители со деца од исто семејство;
  2. При организирање настава на отворено, како дел од формалното образование во образовните институции и установи за згрижување на деца;
  3. При чекање на постојка за превоз на патници;
  4. ПРИ ПРОФЕСИОНАЛНИ СПОРТСКИ ТРЕНИНЗИ И НАТПРЕВАРИ;
  5. При организирање и одржување на службени собири (состаноци, работилници, обуки, конференции, седници и сл.), кои се неопходни за да се обезбеди континуирано работење на институциите, деловните субјекти и други организации;
  6. При вршење работни задачи од вработени лица во есенцијални служби како полиција, војска, противпожарна служба, обезбедување, здравство и слично;
  7. За лица затекнати во вршење работни задачи при давање прва помош во животно – загрозувачки состојби;
  8. При пристапување на економски оператори во нивните капацитети, простории/објекти заради добивање услуга, чекање во ред пред оператор и слично, со одржување на дозволеното минимално растојание од најмалку 1,5 до 2 метри при добивање на услугата; и
  9. За вршење на други активности кои се утврдени и се одвиваат со задолжително почитување на времените мерки, наредените мерки и наменските протоколи, планови и алгоритми (https://vlada.mk/protokoli-koronavirus) за постапување согласно оваа Одлука.

 

 

loading...

Facebook