Влаховиќ оди по патот на Јовиќ, заинтересиран великанот од Шпанија

Душан Влаховиќ на лето би можел да ја промени средината и да го засили Реал Мадрид, пишуваат шпанските медиуми.

Како што пишуваат шпанските медиуми деновите, кралскиот клуб „загризал“ за српскиот напаѓач, кој моментално го носи дресот на Јувентус.

Екипата од шпанската престолнина очајно бара шпиц и изгледа како да го најде во Душан Влаховиќ.

Покрај 23-годишниот српски репрезентативец, заинтересирани се и за напаѓачот на Тотенхем, Ричарлисон.

Да потсетиме, токму тој постигна два гола за „орлите“ на Светското првенство во Катар.

Заинтересирана е и Барселона?

Барселона сака да ја искористи катастрофалната ситуација во Јувентус.

Каталонците за летен трансфер таргетираа дури тројца фудбалери на Старата Дама – Душан Влаховиќ, Федерико Киеза и Мануел Локатели, пишуваат италијанските и шпанските медиуми.

Откако Јувентус беше казнет со одземање 15 бода, со што дефинитивно немаше шанса за настап во Лигата на шампионите поради финансиски нерегуларности, а додека се уште чекаат неколку години исфрлање од Европа, јасно е дека ќе им биде лесна цел на други клубови за играчи.

Затоа Барселона сака да го донесе триото на Јуве, во кое главна цел е Влаховиќ, проценета на најмалку 90 милиони евра. Србинот се поврзуваше со трансфер цела зима.