Заре Марковски нов селектор на Романија

Поранешниот селектор на македонската кошаркарска репрезентација и екс-спортски директор во МКФ Заре Марковски е назначен за селектор на кошаркарската репрезентација на Романија. Марковски ќе ја предводи Романија во квалификациите за Светското првенство 2019 година.

Македонскиот тренер во моментов е тренер на турската екипа Трабзонспор, а како селектор на Романија ќе дебитира на 24. ноември против Италија.

Марковски беше селектор на Македонија на првото учество на нашата репрезентација на Европското првенство 1999 година.