Заврши групната фаза на шампионатот за тенисерки во Сингапур

Со изненадувањето кое го приреди Елина Свитолина заврши првата фаза од ВТА шампионатот што се одржува во Сингапур. Иако остана без шанси за пласман во полуфиналето, Свитолина денеска ја победи Симона Халеп со 2-0 (6:3 и 6:4) и ја елиминира првата светска тенисерка уште по првата фаза.

– Го одиграв мојот најдобар меч на крајот од сезоната за мене. Играв слободно, без психолошки притисок. Одиграв тешка сезона која ја крунисав со учество во „ВТА шампионатот“, изјави Свитолина која 2017 година ја заврши со пет трофеи.

На другиот денешен натпревар Гарсија ја совлада Вознијацки со 2-1.

Табела Бела група: Плишкова 2-1 (победи-порази), Вилијамс 2-1, Мугуруза 1-2, Остапенко 1-2.

Табела Црвена група: Гарсија 2-1, Вознијацки 2-1, Свитолина 1-2, Халеп 1-2.

Во полуфиналето ќе играат:

Каролина Плишкова – Каролине Вознијацки и
Венус Вилијамс – Каролине Гарсија.