Зидан веќе знае кои играчи ќе ги донесе доколку го преземе Манчестер Јунајтед

Францускиот стручњак Зинедин Зидан се уште е без ангажман откако одлучи да го напушти Реал Мадрид со кој освој три последователни титули во Лигата на шампионите што е апсолутен рекорд.

Зидан ја изненади фудбалската јавност со одлуката да го напушти кралскиот клуб, но порача дека едноставно му е потребен мал одмор. Сепак, многумина сметаат дека францускиот стручњак за кратко време ќе се врати на работата затоа што во последно време се шпекулира за тоа дека ќе ја преземе клупата на Манчестер Јунајтед.

На „Олд Трафорд“ не се баш задоволни со работата кој ја извршува Жозе Мурињо, а познато е дека португалскиот стручњак не е во добри односи со сопствениците на клубот. На Островот веќе на големо се зборува дека за Мурињо веќе е спремен отказот, но Црвените ѓаволи чекаат Зидан да ја прифати нивната понуда.

Англиските медиуми пренесуваат дека Зидан е заинтересиран за тренерската кариера да ја продолжи во Јунајтед, па неодамна подготвил листа на фудбалери кои сака да ги види на „Олд Трафорд“ доколку го преземе клубот. На таа листа се наоѓаат Тиаго Алкантара, Тони Крос, Хамес Родригез и Едисон Кавани.