Ѕвездата на Челзи објасни зошто го викаат „Магаре“: „Фудбалот не ми е најважен“

Напаѓачот на Челзи, Каи Хаверц (23) зборуваше за својата љубов кон магарињата во интервју за „Гардијан“. Германскиот репрезентативец започна хуманитарен настан инспириран од овие животни, кој се занимава со развој на младите и грижа за старите лица. Хаверц објасни како наоѓа мир во животните уште од неговата фудбалска кариера.

„Некои соиграчи ме викаат Магаре. Тоа нема никаква врска со фудбалот. Од првиот ден имав посебен однос со магарињата. Тие се многу мирни животни. Можеби се идентификувам со нив затоа што сум таков. Тие одмараат по цел ден, не работат многу, тие само го живеат својот живот. Отсекогаш сум ги сакал. Гледајќи ги чувствувате нешто човечко во нив“, изјави Хаверц.

“Фудбалот не е најважната работа во мојот живот. Другите се можеби 100 пати поважни. Можеби не е лесно да се каже и можеби на луѓето не им се допаѓа, но јас така се чувствувам”, изјави Хаверц. Германецот оваа сезона постигна девет гола на 36 настапи за Челзи.

Во 2020 година лондонскиот клуб го донесе за, според Трансфермаркт, 80 милиони евра од Баер Леверкузен. Вкупно за Челзи има 128 настапи и постигнато 32 гола. Во германската репрезентација има 34 натпревари и 12 гола. Неговиот договор со Челзи е до летото 2025 година.