УЕФА објави 7 мечеви кои мора да ги гледате, меѓу нив и Македонија, дали Пандев има уште некој историски гол во себе?

Европската куќа на фудбалот (УЕФА) објави седум мечеви кои мора да ги гледаат фановите на ЕП, а меѓу нив се најде и дебитанскиот настап на Македонија и тоа против Австрија на 13-ти јуни во Букурешт.

УЕФА пишува дека Македонија загубила во квалификациската група од ЕП од Австрија, пред дуелите со Косово и Грузија од Лига на нации преку кои обезбеди пласман на ЕП. Па, така ова ќе биде еден вид реванш. Како што пишува УЕФА Австрија победила на двата меча.

-Сепак, тоа ќе биде поинаку од доаѓањето во Букурешт. Првата ѕвезда на Македонија, капитен, најдобар играч и човек со најмногу репрезентативни настапи Горан Пандев го постигна голот кој ја доведе земјата на Европско првенство: Дали 37-годишникот има уште еден или два историски голови во себе?“, напишаа од УЕФА.

СЕДУМ МЕЧЕВИ КОИ МОРА ДА СЕ ГЛЕДААТ СПОРЕД УЕФА

АВСТРИЈА-МАКЕДОНИЈА

ТУРЦИЈА-ИТАЛИЈА

ФИНСКА-ДАНСКА

АНГЛИЈА-ШКОТСКА

ШПАНИЈА-ПОЛСКА

ФРАНЦИЈА-ПОРТУГАЛИЈА

ГЕРМАНИЈА-УНГАРИЈА