Connect with us

Фудбал

Челзи го промовираше Кукуреља, еден од најскапо платените дефанзивци (ВИДЕО)

Марк Кукуреља и официјално е промовиран во нов играч на Челзи. Информацијата дека се е договорено со Брајтон беше објавена уште вчера, но денеска се случи промоцијата. Челзи за неговите услуги ќе плати 50 милиони фунти плус бонуси, со што го победи Манчестер Сити во трката. Шпанецот од Брајтон со ова стана еден од најскапо платените дефанзивци во историјата на фудбалот.

Тој веќе ги помина и медицинските тестови и можно е да биде во комбинација веќе за утрешниот меч против Евертон. Информациите велат дека потпишал договор на 6 години.

„Можам да кажам дека Марк е фантастичен фудбалер кој може да игра на повеќе позиции“, изјави Томас Тухел.