Синиша Михајловиќ доби отказ од Болоња

Синиша Михајловиќ (53) повеќе не е тренер на Болоња. Познатиот српски стручњак беше разрешен од должноста по лошите резултати на стартот од сезоната, бидејќи неговиот тим не победи во првите пет кола од Серија А. На тие натпревари освои само три бода.

Михајловиќ седеше на клупата на Болоња од 2019 година, на која направи чудо веднаш по доаѓањето и освои импресивни 30 бода на 17 натпревари, со што го задржа тимот во Серија А и доби договор за натпреварувачката сезона 2019/20. За жал, тоа лето објави дека боледува од леукемија, но и покрај честите патувања во болница, тој го водеше тимот од далечина и успеа да го направи стабилен член на Серија А, што беше закана за фаворитите, а во исто време развиваше млади играчи.

Одлуката за разделба е донесена на клупскиот состанок одржан во вторник. Присутни беа Михајловиќ и претставници на управата, а откако Миха ја напушти канцеларијата, функционерите на Болоња почнаа да бараат негов наследник. Така заврши неговиот втор мандат во клубот, каде што постигна голем успех и остави длабок впечаток. Самостојната тренерска кариера ја започна во Болоња во 2008 година, а потоа раководеше со Катанија, Фиорентина, српската репрезентација, Сампдорија, Милан, Торино, а иако „на хартија“ беше тренер на Спортинг, не ја извршуваше таа работа и го доби португалскиот клуб на суд.