Бобан Николов конечно има нов клуб!

Романскиот тим Стеауа ќе биде новиот клуб на македонскиот репрезентативец Бобан Николов. Ова го откри првио човек на клубот Џиџи Бекали за романските медиуми.

– Можам да потврдам дека имаме договор со Николов, тој е наш фудбалер. Постигнавме договор на една година, но можеби ќе остане и повеќе, изјави Бекали.

Николов го нема на списокот на селекторот Милевски за мечевите со Грузија и Бугарија.

Последниот клуб на Николов беше Лече каде се пресели во 2021 година од Мол Види, но не успеа да се наметне во италијанскиот тим.