Адам Траоре со својот изглед ги остави сите без зборови вчера на „Стемфорд Бриџ“

Адам Траоре повторно се најде во центарот на вниманието поради фотографијата што кружи на социјалните медиуми.

Фудбалерот на Вулверхемптон е познат по неговиот неверојатен изглед, а многумина велат дека тој повеќе личи на бодибилдер отколку на фудбалер. Сепак, и покрај неговиот изглед, Траоре е неверојатно брз на теренот, и тој е без сомнение еден од најдобрите играчи на Волците.

Неговиот тим беше поразен на гости против Челси со 2:0 во последното коло од Премиер лигата вчера, а поранешниот играч на Барселона ги мина сите 90 минути на теренот.

Сепак, една фотографија од вчерашниот натпревар е особено во центарот на вниманието. Се чини дека Траоре од ден на ден станува се поголем, а фотографијата од вчерашниот натпревар на „Стемфорд Бриџ“ го покажува тоа најдобро.