Алушовски: Ние сме млад тим кој што за прв пат се радува во ЛШ

Еурофарм Работник ја забележа првата, дебитантска победа во Лигата на шампионите. „Фармацефтите“ пред домашната публика го совладаа тимот на Кокс со 31:30.

Стефче Алушовски по натпреварот им честита на ракометарите за победата, но исто така и го пофали и противничкиот тим.

„Очекував еден ваков натпревар, тврд и неизвесен. Натпревар кој што некако расти е суден. Најпрво да водиме во првото полувреме, а потоа во второто да го донесеме натпреварот во егал завршница. Трипати губевме и денес бевме малку посреќни и заслужено победивме.

Им честитам на моите момци за првата историска победа на Еурофарм Работник, на нашето претседателство и на Публиката во Битола. Ние сме млад тим кој што за прв пат се радува во Лигата на шампионите, се надевам не и последен, и убеден сум дека нема да биде последен.

На Кокс му честитам за извонредната игра. Немаше да биде незаслужено доколку и тие денеска освоеа бод, меѓутоа што е тука е, многу среќа во понатамошните натпревари, а на нас останува да се фокусираме на следниот противник Прешов, кој што доаѓа во недела“.