Андреа Пирло на почетокот направи гаф и ги натера навивачите на Јувентус да се насмеат

Андреа Пирло беше назначен за нов тренер на Јувентус и веднаш направи грешка на првото обраќање.

Јувентус го назначи Пирло за нов тренер изненадувачки, скоро истиот ден кога беше заменет Маурицио Сари, откако беше елиминиран од Лигата на шампионите.

Поранешниот играч на Јувентус, но и на ривалите Милан и Интер, направи грешка на почетокот на неговиот мандат со објавата на Твитер.

„Среќен сум и горд што добив таква доверба од Јувентус. Подготвен сум за оваа фантастична можност“, напиша Пирло.

Тој сакаше да го означи Јувентус во пост, но наместо @juventusfc стави само @Juventus. Таа е страница на една американска компанија која се занимава со младешки и здрав начин на живот кој вклучува пластична хирургија.

Секако, навивачите нема премногу да му замерат на Пирло за оваа мала грешка. Најважно за нив е тој ги минимизира тие грешки кога ќе седне на клупата на италијанскиот шампион.