Connect with us

Фудбал

Арапските шеици не се шегуваат, го купија Њукасл и не застануваат тука, но од името на клубот просто ќе се изненадите?!

Арапските шеици немаат намера да застанат само со купувањето на Њукасл и веќе планираат дополнителни инвестиции.

Сензационална информација по ова прашање изнесе новинарот на „Газета Вроцлавска“ Пјотр Јанас. Имено, шеиците би можеле да станат сопственици на полскиот Сласк од Вроцлав.

„Слушнав за потенцијалната продажба на Сласк на инвеститори на Блискиот Исток. Тоа е фонд што го купи Њукасл. Дури и ако е вистина, таа е многу чувана вистина, затоа што никој во градот не знае или не сака да каже ништо“, напиша репортерот на Твитер…

ПИФ е државен фонд од Саудиска Арабија и еден од најголемите во светот. Неговиот имот се проценува на околу 600 милијарди долари. Создаден е за да инвестира средства во име на саудиската влада. Контролиран е од принцот Мохамед бин Салман.

Околу фондот избувнаа неколку контроверзии. Волстрит журнал во 2016 година напиша дека овој фонд е можеби „еден од најтранспарентните во светот“ затоа што во тоа време не наведува ниту една од неговите инвестиции на својата веб-страница.

Преземањето на Њукасл Јунајтед исто така се соочи со критики за кршење на човековите права.

Доколку трансакцијата би се реализирала, Сласк Вроцлав би станал најбогатиот тим во полската Екстракласа.

Клубот би имал потенцијал да доминира во лигата со години. Во моментов, мнозински сопственик на Сласк е општина Вроцлав.