Аталанта ја одреди цената за Запата

Тимот од Бергамо е подготвен да го продаде Дуван Запата, а одличниот напаѓач чини 55 милиони евра.

Тоа е цената што Аталанта ја постави за Запата, кој, наводно, го бараат Јувентус, Барселона, Атлетико Мадрид и два неименувани клуба од англиската Премиер лига.

Во последните две успешни сезони играчот на колумбиската репрезентација ја имаше главната улога, па Аталанта ја однесе во Лигата на шампионите, а оваа сезона стигнаа дури до четвртфиналето.

Запата најголемиот дел од кариерата го помина во Италија. Тој пристигна во Наполи од Естудијантес во 2013 година, а пред Аталанта играше за Удинезе и Сампдорија.

Со оглед на игрите што тој ги обезбедува и исклучителните способности за постигнување гол, се чини дека Аталанта не бара премногу?