Баерн претстави големо засилување: „Дојдов да освојувам титули“

Германскиот шампион Баерн потпиша договор со Рајан Гравенберг, кој доаѓа од редовите на холандскиот шампион Ајакс.

20-годишниот холандски репрезентативец потпиша договор до 2027 година во друштво на спортскиот директор Хасан Салихамиџиќ.

„Рајан Гравенберг ќе понуди многу за нашиот тим. Тој е еден од најголемите таленти во Европа, има врвни технички вештини, секогаш наоѓа решенија во тесни простори, многу е динамичен и опасен пред противничкиот гол. Ние сакаме играчи со таков менталитет, уживајте со многу успех“, изјави Салихамиџиќ.

Рајан Гравенберг: „Кога пристигна понудата од ФК Баерн, не морав долго да размислувам за тоа. ФК Баерн е еден од најголемите клубови во светот; играчи од целиот свет сакаат да играат за овој клуб. Доаѓам во Минхен за да освоиме многу титули – и ФК Баерн е навикнат да освојува многу титули. Се е можно со овој клуб, вклучително и освојување на Лигата на шампионите. Заедништвото во овој тим е многу силно, што ми се допаѓа“.

Тој порасна во Ајакс и дебитираше за првиот тим во сезоната 2018/19 на само 16 години. Има 103 настапи во сите натпреварувања и 12 гола. Играчот од средниот ред освои три титули во Холандија и две титули во Купот.

Тој беше поканет во холандскиот сениорски тим минатата година и оттогаш забележа 10 настапи (еден гол) за Холандија, вклучително и два на минатогодишното Европско првенство. Со својата земја го освои ЕУРО У17 во 2018 година.