Бартомеу конечно ги израдува навивачите: Ако новиот тренер рече „да“, ќе донесеме големо засилување

Гласините за доаѓањето на Лаутар Мартинез во Барселона стивнаа, особено по катастрофата што ја доживеаја во четврт-финалето на Лигата на шампионите против Баерн.

Набргу по тој пораз, тренерот беше заменет, се зборуваше за многу измени во тимот и се реактивираше приказната за Мартинез.

Претседателот на Барселона, Жозеп Марија Бартомеу, изјави дека не ја исклучува можноста за трансфер на Лаутар Мартинез.

„Бевме во преговори, но сè запре кога фудбалот продолжи. Ќе разговараме со новиот тренер и ако Лаутаро е во неговата визија за иднината, тогаш ќе се обидеме да го донесеме. Најважно е тој да рече „да“ и да го донесеме“, рече Баатомеу.

Тој ќе стори сé за да остане на оваа позиција во Барселона, затоа што многу навивачи, но наводно и играчи, се незадоволни од неговата работа.