Фудбал
Бензема за прв пат во земјата од која што потекнува! (ВИДЕО)
Моментално на одмор во Алжир, Карим Бензема во средата го посети кампот на алжирската репрезентација. Згора на тоа, тоа беше негово прво гостување во земјата од каде потекнува, а доби дрес на селекцијата на Алжир со неговото име, додека срдечно беше пречекан од селекторот Владимир Петковиќ и останатите фудбалери.
Како и Зинедин Зидан или Набил Фекир, и Карим Бензема можеше да го облече дресот на Алжир, но се одлучи за француската репрезентација. Сепак, тоа не го спречи 36-годишниот напаѓач да одржува силна врска со земјата од каде што се неговите родители. Фудбалерот на Ал-Итихад го посети кампот на репрезентацијата на Алжир во пресрет на нивниот натпревар против Гвинеја во квалификациите за СП 2026 година, каде му беше врачен дрес со неговото име, а на крајот од тренингот позираше со неколку играчи од тимот предводен од Владимир Петковиќ.