Бразилецот Артур Мело во Барселона за 40 милиони евра

Бразилскиот фудбалер Артур Мело ќе премине во Барселона, потврди претседателот на неговиот сегашен клуб Гремио, Ромилдо Болзан.

Мело има 21 година и еден од најталентираните фудбалери во Бразил.

Болзан за бразилската телевизија „Фокс“ соопшти дека трансферот е во завршна фаза и дека се ќе биде готово за ден или два.

Барселона за трансферот на Мело ќе издвои 30 милиони евра за шампионот на Јужна Америка, а преку бонуси ќе добијат уште десет милиони евра.

Шпанските медиуми пренесуваат дека Мело ќе остане во Гремио до јануари 2019 година, а потоа ќе се пресели на „Ноу Камп“.

Бразилскиот фудбалер ќе потпише петгодишен договор со Барселона.