Будуќност до +20 против Задар

Кошаркарите на Будуќност славеа на натпреварот од деветото коло во АБА лигата против екипата на Задар со 89:69. Избраниците на поранешниот македонски селектор, Александар Џикиќ, по големата победа над ЦСКА Москва во Евролигата, остварија уште една важна победа во регионалното натпреварување. Најефикасни во победничкиот тим беа Џексон со 16 поени, еден помалку постигна Ерл Кларк, додека Немања Гордиќ запиша 13 коша. На спротивната страна Маџерити забележа 18 поени.

Будуќност е втор на табелата со скор од седум победи и два пораза, додека Задар се наоѓа на седмата позиција.