„Да имав таква статистика, немаше ни да ми требаш, мајка ми можеше да ме продаде“

Од сите клиенти кои ги имал, никој не бил толку близок со Мина Раиоли како Златан Ибрахимовиќ.

Раиола почина вчера на 54-годишна возраст, а оваа вест ја потврди и неговото семејство. Суперагентот ја започна својата кариера како фудбалски менаџер во доцните 80-ти, а првиот голем трансфер му беше оној на Павел Недвед од Спарта во Јувентус.

Раиола пред смртта ги претставуваше големите играчи како Златан Ибрахимовиќ, Пол Погба, Ерлинг Халанд, Џанлуиџи Донарума, а никој не му беше толку близок како Ибра, кој според италијанските медиуми, последните моменти со Раиола ги поминал во болничка соба.

Скај Спорт Италија објави дека Ибрахимовиќ набрзина го напуштил тренингот и возел од теренот во Миланело до болницата каде сакал да биде со остатокот од семејството со агент кој му помогнал да постигне неверојатна кариера.

Уште додека настапуваше за Ајакс започна соработката помеѓу Ибра и Раиола, а искусниот шведски напаѓач опиша како сето тоа започнало.

„Побарав од еден новинар во Холандија да ми предложи агент, бидејќи ситуацијата беше надвор од контрола. По седум дена тој го предложи агентот на Дејвид Бекам или ‘Италијанец, за клој мислам дека навистина ќе ви се допадне. Тој е ваш стил, оној од улицата.’ Тоа беше Мино Раиола“, се присети Ибрахимовиќ.

„На првиот состанок тој ги извади овие парчиња хартија и рече дека се одлични играчи со одлична статистика. На неа пишуваше: Андриј Шевченко, 25 натпревари и 23 гола. Пипо Инзаги, 27 натпревари и 25 гола. Бобо Виери, 24 натпревари и 23 гола Златан Ибрахимовиќ, 21 натпревар и четири гола, рече: „Како да те продадам, кога имаш ваква статистика?“

„Верував во себе и му кажав дека не треба ни да има статистика како овие наведени играчи, па дури и мајка ми би можела да ме продаде со таква статистика. Затоа бидејќи немам статистика барам агент. Мино само се насмеа“, изјави напаѓачот на Милан.

Имаше некои сугестии дека Ибрахимовиќ би можел да добие слободно време за сочувство по смртта на Раиола, но тој е во тимот за денешниот натпревар од Серија А против Фиорентина, бидејќи неговиот тим се бори за Скудетото и му треба победа.