Дали Роналдо ќе стане капитен? „Тоа се глупости“

Во некои медиуми во последните денови можеше да се прочита информација дека Манчестер Јунајтед ќе добие нов капитен.

Хари Мегваер наводно ја изгубил довербата во соблекувалната и новиот капитен требало да стане Кристијано Роналдо.

Привремениот менаџер на Манчестер Јунајтед Ралф Рангник ја демантираше оваа информација и изјави дека англискиот дефанзивец ќе остане капитен на „црвените ѓаволи“ до крајот на сезоната.

„Мегваер е капитен на Манчестер Јунајтед и така ќе остане до крајот на сезоната. Немам што друго да кажам на оваа тема“, изјави германскиот стручњак и продолжи:

„Не сум фрустриран затоа што знам дека ништо од ова не е вистина. Претходно кажав дека никогаш немало проблем кој е капитен. Да бидам искрен, не слушам премногу што се зборува бидејќи јас сум фокусиран на тренинзите и подготовките за натпреварот“.

Следен предизвик со кој се соочува Манчестер Јунајтед се натпреварите против Лидс Јунајтед во Премиершип во недела, а следната среда ќе следи пресметката со Атлетико Мадрид во осминафиналето од Лигата на шампионите.