Дани Алвеш не ни играше синоќа, а на крајот стадионот го напушти со дресот на играчот на Наполи

Синоќа Барселона ремизираше против Наполи (1:1) во првиот натпревар од шеснаесетфиналето на Европската лига.

Наполи успеа да поведе во 29. минута кога Зиелински успеа да ја затресе мрежата на каталонскиот клуб и да ги замолчи навивачите на „Камп Ноу“.

Сепак, Барселона успеа да израмни во вториот дел. Во 59 минута, судијата сигнализираше пенал за домашните, а Феран Торес го изедначи резултатот на 1-1.

Чави на овој меч не можеше да смета на Дани Алвеш кого не го ни пријави за натпреварите од Лига Европа, а неговото отсуство на десната страна многу се почувствува. Наместо тоа, тој беше заменет со Оскар Мингеза, но тој не стана премногу познат.

Алвеш од трибините ја бодреше Барселона, а по мечот замина во гостинската соблекувална. Тој го донесе и својот дрес за размена со Лоренцо Инсиње, што на крајот и успеа.

Бразилецот на Инстаграм објави дека по натпреварот добил дрес од Инсиње и за тоа му се заблагодари на фудбалерот на Наполи.