Де Хеа: Премиер лигата е најконкурентна во светот

Во интервју за „DAZN“ Давид де Хеа анализираше разни спортски теми. Шпанскиот голман јасно кажа дека Премиер лигата е посебна лига, најконкурентна од сите и дефинитивно различна: „Сите го гледаат ова, Премиер лигата е исполнета со страст. Тешко е да се опише со зборови што значи да се освои титула во Англија “. Покрај тоа, Де Хеа, кој ја освои титулата со „црвените ѓаволи“ во сезоната 2012-2013, истакнува : „Премиерлигата е најконкурентна во светот, со многу повеќе изненадувања од другите лиги. Лично, мислам дека многу повеќе вреди да се освои титулата во Англија од кое било друго место. Ривалството е силно и вклучува 4, 5 или 6 екипи“.

Што се однесува до состојбата на неговиот тренер, Оле Гунар Солскјар, чија позиција е доведена во прашање, голманот додаде: „Тој е домашен човек, тука беше како играч долги години, добро го познава клубот. Најважно е што целиот тим го поддржува. Ние сме до смрт со него“.

Манчестер Јунајтед во моментот е на осмата позиција на табелата во Премиер лигата, со само две победи во шест натпревари. Де Хеа, исто така, има добри зборови и за клубот:  „Ова е специјален клуб, најголемиот во Англија. Горд сум што сум дел од Манчестер Јунајтед долги години. Привилегија е да се биде капитен на клуб со толку голема историја, но и голема одговорност, затоа што мора да бидете позитивен за соиграчите, за клубот и др.“