Дебитантите Блокотехна и Гостивар во дуел на непоразените

Двете непоразени екипи во домашното, македонско кошаркарско првенство, Блокотехна и Гостивап попладнево ќе го одиграат својот меч од 5. коло во прволигашката конкуренција.

Најпријатините изненадувања кои во изминатите четири меча остварија исто толку победи ќе играат во Гевгелија во терминот од 13 часот.

И Работнички кој има максимални четири победи својот меч од оваа рунда против Шкупи ќе го игра вечрва од 19 часот.

На вчера одиграните средби, тимот на Карпош Соколи на гости кај Кожув оствари убедлива победа со 109-78. Во Кавадарци, Фени Индустри не дозволи изненадување во дуелот против Струмица која ја совлада со 81-63. Најинтересниот меч се одигра во Битола, каде АВ Охрид со кош во последната секунда го победи Пелистер со 58-57.

Дуелот Куманово – МЗТ Скопје А. ќе се игра во четврток (9 ноември) поради настап на МЗТ Скопје во регионалната АБА лига.

Табела: Карпош Соколи 4-1 (победи-порази), Блокотехна 4-0, Работнички 4-0, Гостивар 4-0, Фени И. 3-2, АВ Охрид 3-2, МЗТ Скопје 2-2, Куманово 2-2, Пелистер 1-4, Струмица 0-5, Кожув 0-5, Шкупи 0-5.