Дефинирана цената на Ериксен

Данскиот интернационалец од редовите на лондонскиот премиерлигаш Тотенхем, Кристијан Ериксен, веќе со месеци важи за најголема желба на првиот човек на актуелниот европски клупски шампион, тимот на Реал (М), Флорентино Перез.

Претседателот на „кралскиот клуб“ е во потрага по играч кој ќе го амортизира заминувањето на Кристијано Роналдо, а изборот паднал на репрезентативецот на Данска.

Сепак, раководните лица на Реал (М) биле информирани дека нивната голема желба може да стане реалност само доколку официјалната понуда за Ериксен не биде помала од 250 мил. евра.