Дембеле не мрда од „Ноу Камп“

И покрај сите шпекулации дека сигурно ќе биде продаден за време на зимскиот преоден рок, францускиот интернационалец од редовите на каталонскиот гигант Барселона, Осман Дембеле, ги информирал клупските челници дека не сака да си замине од “Ноу Камп”.

Крилниот напаѓач постојано е критикуван поради приватниот живот, односно поради зависноста од видеоигри, но шпанските медиуми ја пласираа информацијата дека Французинот не сака да ја промени клупската средина нити за време на летниот преоден рок.