Динамо Киев прв обезбеди пласман во следната фаза од Лига Европа

Фудбалерите на Динамо Киев први изборија пласман во следната фаза од Лига Европа откако вечерва во натпреварот од 4.коло од групата Б како гости го победија Јанг Бојс со 1:0.

Стрелец на голот беше Витали Бујалски во 70 минута.

Динамо Киев е прв во групата со 10 бодови, додека во оваа група втор е Партизан со 5, пред Јанг Бојс со 3 и Скендербег има два.

На чекор до пласман беше и италијанската екипа Аталанта, но на дуелот со Аполон на Кипар примија гол во последната минута.
Сепак Аталанта и Олимпик Лион во групата Е имаа предност од пет бодови во однос на Аполон.

Вечерва се играат уште 12 натпревари, а уште неколку имаат шанси по 4.коло да обезбедат пласман во нок аут фазата.