Доколку ПСЖ не го избалансира буџетот му се заканува исфрлање од Лигата на Шампионите

Финансиската комисија на УЕФА ќе го проверува буџетот на ПСЖ по огромните трансфери кои францускиот тим ги направи во 2017 година, за можно непочитување на правилата за финансиски фер-плеј.

Во летниот преоден рок тимот на Пари Сен Жермен го засилија Нејмар и Мбапе за повеќе од 400 милиони евра, но во тој период не е забележан ист приход на пари, а според пресметките им недостасуваат околу 80 милиони евра за да се усогласат со правилата за финансиски фер-плеј.

Тоа би значело дека „Светците“ ќе мора да продаваат играчи, а еден од тие за кои најмногу се шпекулира е Едисон Кавани, кој има несогласувања со новата ѕвезда, Нејмар.

Доколку не успее да го избалансира буџетот, УЕФА би можела да го исфрли ПСЖ од Лигата на Шампионите следната сезона.