Дупло поголема плата за Вертонген

Италијанскиот калчо гигант Интер се вклучи во трката по потписот на белгискиот интернационалец од редовите на лондонскиот премиерлигаш Тотенхем, Јан Вертонген.

Дефанзивецот кој може да игра на сите позиции кога е во прашање последната линија, на крајот од актуелната сезона ќе има статус на слободен играч, а се погласни се шпекулациите дека Белгиецот сака да ја промени клупската средина за време на летниот преоден рок.

Поради фактот дека може да пристигне како слободен играч на “Џузепе Меаца”, челниците на Интер се подготвени да му понудат дупло поголема плата од таа која моментално ја заработува во Лондон.