Кошарка
Двете заразени НБА ѕвезди го победија коронавирусот
НБА тимот Јута има причина за радост во овие тешки моменти во целиот свет. Првите нивни заразени играчи од Ковид-19 Руди Гобер и Донован Мичел го победија овој смртоносен вирус. Веста ја соопшти самиот НБА тим.
-Играчите повеќе не претставуваат опасност за инфекција, соопшти Јута.
Нивните тестови се негативни. Веднаш штом беше објавено дека Гобер има коронавирус, кој потоа го заразил и Мичел, раководството на НБА лигата одлучи да го суспендира натпреварувањето.