Емери потврди: Ивоби ќе потпише нов договор

Шпанскиот стручњак на клупата на Арсенал Унаи Емери потврди дека Алекс Ивоби ќе потпише нов договор со клубот.

Ивоби има уште две години од договорот со Арсенал, а клубот неодамна тргна во акција за продолжување на истиот, па Емери сега потврди дека работата е блиску до реализација.

„Ме информираа дека е скоро готово“ кратко прокоментира тренерот Емери чија екипа моментално се наоѓа на припреми во Сингапур, а потоа додаде дека со нетрпение чека да ги види сите играчи на тренинзите.

„Како прво, сакам да работам со сите играчи и тие полека доаѓаат (по паузата од Светското првенство). Месут, Ивоби и Елнени почнаа да работат со нас, првата недела е многу добра. Моите информации кажуваат дека Ивоби ќе го продолжи договорот со нас“, порача Шпанецот.

Ивоби е „продукт“ на младинската школ на Арсенал, а минатиот месец настапи во дресот на Нигерија на Мундијалот во Русија.