Емери верува во проектот ПСЖ

Елиминацијата од Реал Мадрид во осминафиналето во Лигата на шампионите најверојатно ќе значи отказ за тренерот на ПСЖ, Унаи Емери, но шпанскиот стручњак е убеден дека тимот се развива по нагорна линија и не е далеку денот кога парижаните ќе бидат на тронот.

– Сите сакаат брз резултат и триумф во Лигата на шампионите. Убеден сум дека ПСЖ проектот ќе успее. Мораме да го надминеме разочарувањето и да продолжиме понатаму. Порано или подоцна, овој тим ќе победи на турнирот. Можно е да се направи тоа следната сезона, изјави Емери.

ПСЖ синоќа на домашен терен загуби од Реал со 2:1, пораз по кој сопственикот на клубот Насер Ел Калаифи изрази голема разочараност и го доведе во прашање останувањето на Емери на тренерската позиција.