Фудбал
ФИФА му нареди на Трабзона да го исплати долгот од 12 милиони евра кон Милан
Турски Трабзон ќе мора да му исплати на Милан 12 милиони евра за Јурај Кучка и Хозе Соса.
Во 2017. година турскиот клуб ја ангажираше двојката на Милан за 12 милиони евра. Словакот чинеше пет, а Аргентинецот седум милиони евра.
Според „La Gazzetti dello Sport“, ФИФА му наредила на Трабзонспор да го исплати долгот кон „Росониерите“, инаку ќе ги блокира сметките на турскиот клуб и нема да има право да носи нови играчи.
Покрај тоа, Трабзонспор би можел да добие и жестока парична казна. Ситуацијата во Трабзон не е идеална, но овој клуб ќе мора во што пократок временски период да го подмири долгот кон Италијанците.
Кучка одигра осум натпревари во турската Суперлига и постигна еден гол, додека Соса во 16 настапи постигна два гола и четири асистенции.