ФОТО: Хрватски фудбалер го тетовирал датумот на финалето од Мундијалот на кое не играл

Фудбалерот на хрватската репрезентација Тин Једвај се пофали со новата тетоважа после освоеното сребро на Мундијалот.

Тој пред сите решил да го овековечи овој голем подвиг, и покрај тоа што имаше мал допринос затоа што играше само еден натпревар во групната фаза против Исланд, кога веќе беше загарантиран пласманот во следната фаза и Златко Далиќ на теренот ги испрати резервите.

Потоа отиде на одмор со неговата девојка и се пофали со новата тетоважа, што не донесе одушевување кај многу навивачи.

На хрватските портали доминираа коментарите дека неговиот татко е голем пријател со Шукер и Мамиќ и дека овој фудбалер не заслужи да биде повикан, а беше и иронично поради бројот на одиграни натпревари…

Сепак, тешко дека Тин ќе се занимава со коментарите, го овековечи датумот и печатот од пасошот затоа што, сепак беше дел од големиот тим, па макар и како резерва.