Фудбал
ФОТО: Мустафи ги покажа модринките откако Варди го удри во главата
Синоќа Арсенал и Лестер Сити го одиграа натпреварот од 34. коло од Премиер лигата на „Емирати“, а на крајот беше поставен резултат од 1:1.
Една од деталите што предизвика големо внимание на овој натпревар беше дуелот помеѓу Шкодран Мустафи и Џејми Варди.
Во истиот, стоперот на Арсенал го извади подебелиот крај бидејќи доби удар со копачка во главата, а по мечот тој на социјалните мрежи покажа како изгледа неговата модринка.
И во тие околности германскиот фудбалер успеа да ги игра сите 90 минути. Варди помина без картон.
Интересно е што на крајот, споменатиот напаѓач на Лестер ги разочара „Топџиите“ затоа што постигна гол за 1:1 на шест минути пред крајот на натпреварот.
