Германија ја засилува одбраната за дуелот со Македонија

Германскиот селектор Кристијан Прокоп одлучи да ја засили одбраната на својата селекција за решавачкиот дуел против Македонија на Европското првенство во ракомет. На местото на Бастијан Рошек, повикан е Фин Лемке – кој со своите 2.10 метри кој треба да ја зајакне одбраната на актуелниот европски првак.

„Македонија многу игра преку пикерите, кои се доста робустни. Сакав на мојот тим и на мојата одбрана да им дадам поголема корпулентност“, вели германскиот селектор, Кристијан Прокоп. На тој начин, според него, и голманите ќе имаат поголема сигурност, повеќе раце во блокот. Прокоп оценува дека Македонија игра слично на Словенија, со „големо срце“. „Тоа е ракомет со многу страст, посветеност и борбеност“, вели тој.

На Македонија и е доволен и нерешен резултат за да се избори за прво место во групата Ц, по победите над Словенија и Црна Гора.