Германија против обединетиот тим на Кореја на стартот на ракометниот Мундијал 2019

Од 10 до 27 јануари 2019 година сите очите на ракометниот свет ќе бидат вперени кон Германија и Данска, бидејќи таму најдобрите светски репрезентации ќе се борат за трофејот на 26. Мундијал.

Распоредот на натпреварите е финализиран. Светското првенство се отвора на 10 јануари, во 18:15 часот, со историскиот натпревар во Берлин меѓу Германија и обединетиот корејски тим.

По прелиминарната рунда (10-17 јануари), ќе се игра главната фаза од 19 до 23 јануари во Келн (Германија) и Хернинг (Данска). Полуфиналето е на 25-ти во Хамбург (Германија), додека медалистите ќе се одлучуваат на 27 јануари во Хернинг.

Македонија ќе биде учесник на ова Светско првенство. „Црвено-жолтите“ се во Б-групата заедно со нашиот прв ривал Јапонија (11 јануари), Шпанија, Хрватска, Исланд и Бахреин.