Ѓоковиќ разочаран од одлуката на лидерот на Вимблдон: Не можам да ја поддржам одлуката, тоа е лудост!

Првиот светски рекет Новак Ѓоковиќ ја коментираше и одлуката на управата на Вимблдон да им забрани на руските и белоруските тенисери да учествуваат на третиот грен слем сезонава.

Многумина беа изненадени, а Ѓоковиќ беше многу искрен.

„Секогаш ќе ја осудувам војната, јас сум дете на војната, знам колку трауми остава. На Балканот во минатото имало многу војни. Не можам да ја поддржам одлуката на лидерот на Вимледон, таа е лудост. Политиката не смее да се меша во спортот, нема да биде добро“, јасен беше Ѓоковиќ.

АТП се противи на оваа одлука, но Вимблдон не планира да ја промени.

Оваа одлука ќе промени многу пред ждрепката бидејќи Русите во моментов имаат двајца играчи на самиот врв на светскиот тенис Даниил Медведев и Андреј Рубљев, додека најдобри тенисерки се Анастасија Павличенкова, Дарија Кастакина и Вероника Кудерметова.

На руските и белоруските тениски репрезентации претходно им беше забрането да се натпреваруваат во Дејвис купот и ФЕД купот.

Што се однесува до Белорусија, поголем удар ќе има во женска конкуренција бидејќи надежите се во самиот врв на Арина Сабаленко и Викторија Азаренка.

„По долги разговори со Владата на Обединетото Кралство, самиот Организациски комитет на Ол Ингланд клуб, беше донесена одлука да биде домаќин на еден од најважните спортски настани во Англија без натпреварувачи од Русија и Белорусија“, се вели во соопштението на организаторите на Вимблдон.

Тенисерите од Русија и Белорусија немаа санкции на АТП и ВТА турнејата, за разлика од другите спортски колеги од нивните земји, а сега ќе добијат најстроги можни санкции и ќе им биде забрането учество на најпрестижниот тениски турнир.