Голема драма на Вембли, борбата за трофејот ја решаваа пенали

Фудбалерите на Ливерпул го освоија ФА Купот по големата драма во финалето против Челзи.

Иако се очекуваше ефикасен натпревар, мрежите мируваа 120 минути, па пеналите одлучуваа за понедникот.

Веќе на стартот на мечот Ливерпул имаше одлична шанса, кога Дијаз нафрли од левата страна, а Салах задоцни дел од секундата, на крајот лошо ја фати топката и ја испрати преку пречката.

 

Потоа во деветтата минута Дијаз направи проблеми, повторно се проби на страна, тргна кон Менди, но тој го одбрани неговиот удар. Нападите на „црвените“ продолжија, но во 24. минута Челзи сепак имаше голема шанса. Пулишиќ шутираше добро, но рамката од голот ги спаси „црвените“.

Во 28. минута Алонсо шутира, Алисон одбрани. Потоа се повреди Салах, поради што мораше да го напушти теренот, па наместо него влезе Жота.

 

Не недостигаа возбудувања на Вембли во продолжението од мечот, имаше шанси на двете страни, но немаше голови. Не беше премногу суштински во дополнителните половина час, па се беше насочено кон изведување на пеналите.

 

Алонсо го изведе првиот пенал и погоди, потоа Милнер израмни, а во втората серија Аспиликуета промаши. Тиаго Алкантара беше сигурен во предноста на Ливерпул. Во петтата серија, Мане шутираше за победа, но промаши, а Зијех ги враќа работите на стартот. Жота ја презеде одговорноста во шестата серија погодувајќи за 5:5. Алисон го одбрани удар на Маунт, па Ливерпул ја доби втората меч топка, а таа успешно ја искористи Цимикас.

 

Ливерпул, кому ова му е втор трофеј сезонава, има мали шанси да биде англиски шампион, тешко може да заврши пред Манчестер Сити, но ќе има шанса да ја освои Лигата на шампионите во Париз на крајот на месецот, но нема да биде лесно против Реал Мадрид.