И повторно Хамилтон

Британецот Луис Хамилтон славеше на третата трка во Формула 1 оваа сезона, која се возеше во Унгарија, поточно на патеката „Хунгароринг“.

Хамилтон дојде до триумф во помалку интересна трка во која водеше од почеток до крај.

На второто место се најде Макс Верстапен поточно помеѓу двата мерцедеси, откако Валтери Ботис заврши трет.

Патем, ова беше седма победа за Хамилтон на Хунгароринг, што го изедначи рекордот на Михаел Шумахер за бројот на победи на една патека. Легендарниот Германец оствари седум триумфи на „Магни-Курс“ во Франција.

За Хамилтон ова беше втор триумф во сезоната и 86. во неговата кариера, а сега тој е само пет победи зад Шумахер во генералниот пласман.

Патем, следната трка во првенството ќе се одржи од 31 јули до 2 август во Велика Британија.