Игор Ангеловски го објави списокот на фудбалери за историското ЕП, Несторовски отпадна, има две изненадувања

Илија Несторовски, како што се очекуваше, отпадна од составот за настап на историското Европско првенство кое почнува на 11-ти јуни. Причината е повреда. Селекторот Игор Ангеловски го објави списокот на фудбалери со кои ќе настапи на дебитанското ЕП. Има две изненадувања, односно две имиња се нови, а тоа се играчот за врска од Штутгарт, Дарко Чурлинов и Милан Ристовски, кои се дел од младинската селекција. Покрај Димитриевски и Шишковски, како трет голман ќе биде Јанков. Инаку, Ангеловски може да понесе 26 фудбалери, од кои тројца ќе бидат пријавени на резервната листа.

Првиот меч Македонија го игра на 13-ти јуни против Австрија, а претходно на први јуни ќе има пријателска средба со Словенија. Освен Македонија и Асвтрија, во групата се Украина и Холандија. По Австрија, играме со Украина, а групната фаза ја завршуваме со Холандија во Амстердам.

Списокот на Игор Ангеловски за историскиот настап на ЕП

ГОЛМАНИ:
Столе Димитриевски
Дамјан Шишковски
Ристо Јанков

ОДБРАНБЕНИ ИГРАЧИ:
Стефан Ристовски
Висар Муслиу
Егзон Бејтулау
Кире Ристевски
Ѓоко Зајков
Езџан Алиоски
Дарко Велковски

СРЕДЕН РЕД:
Аријан Адеми
Енис Барди
Стефан Спировски
Бобан Николов
Тихомир Костадинов
Ферјан Хасани
Ељиф Елмас
Даниел Аврамовски
Дарко Чурлинов
Марјан Радески

НАПАЃАЧИ:
Горан Пандев
Александар Трајковски
Иван Тричковски
Влатко Стојановски
Милан Ристовски
Крсте Велковски