Игуаин ја пропушта средбата со Аталанта

Аргентинецот Гонзало Игуаин не се најде во групата од 19 играчи на тренерот Масимилијано Алегри за денешниот полуфинален дуел на Јувентус со Аталанта во Купот на Италија.

Најдобриот стрелец на „бјанконерите“ доживеа повреда на зглобот на натпреварот со Торино минатата недела.

Во последните денови се појавија оптимистички информации дека Аргентинецот ќе биде подготвен, но тоа не се случи.

Надвор од тимот останаа и Бентанкур, Квадрадо, Бернадески и Де Шиљо.

Јувентус има предност од 1:0 од првиот дуел во Бергамо.