Фудбал
Интер го совлада Милан и се избори за големото финале, ривалот ќе го дознае утре
Фудбалерите на Интер го победија Милан со 3:0 во реваншот од полуфиналето на Купот на Италија.
Милан иако беше непоразен во претходните три меча сезонава во дуелите со Интер, вечерва беше поразен на Меаца.
И додека Интер ја користеше секоја прилика, Милан не искористи многу од нивните прилики, па доживеа тежок пораз, а едната од двете битки со градскиот ривал ја загуби – другата е за скудетото.
Интер поведе по само четири минути со евроголот на Лаутаро Мартинез, а Аргентинецот во 40. минута зголеми на 2:0 на асистенција на сонародникот Хоакин Коре. Тој гол дојде по неколку одлични можности за Милан и кога голот на Росонерите висеше во воздух.
Lautaro Martínez 🇦🇷 aplicó el manual del 9 en el área y clavó esta hermosa volea ante Milan en las semis de Coppa Italia 🇮🇹.pic.twitter.com/NvWmXpEK6y
— VarskySports (@VarskySports) April 19, 2022
Милан успеа да ја затресе мрежата на Хандановиќ во 66. минута, тоа го направи Бенасер со убав удар по гужвата која дојде по корнерот, но ВАР покажа дека Калулу му пречеше на Хандановиќ во офсајд, па голот беше поништен.
Lautaro Martinez… pic.twitter.com/3TO7SwFbjr
— Fútbol Vertical (@futbol_vertical) April 19, 2022
Таму на некој начин беа уништени сите надежи на Милан дека ќе може да се врати, а беа совладани од резервистот Госенс на асистенција на Марсел Брозовиќ во 82. минута.
1st ever Inter goal for Gosens 😍😍 pic.twitter.com/vyf0wVJFkN
— Uncle $harma 🎙️ (@RSharmzz) April 19, 2022
Интер во финалето ќе игра против победникот од натпреварот Јувентус – Фиорентина. Старата дама има 1:0 од првиот меч одигран во Фиренца, па ќе бара потврда за пласманот во финалето во Торино.
Милан, кој вечерва беше навистина разочаран, може само да се надева дека ќе успее да заврши на првото место во Серија А, кое го држи добар дел од сезоната, но според моменталната форма Интер изгледа многу повеќе спремен и подобар.