Други спортови
Јамаха доминира на тренинзите во Тајланд
На пистата Бурирам се возеа тренинзите за трката за Големата награда на Тајланд на МОТО ГП. Најбрзото време по завршувањето на втората сесија постави францускиот пилот Фабио Квартараро, со Јамаха Петронас, 1:30.404.
Оваа патека се чини како да одговара за јапонскиот мотор. На второто место е Маверик Виналес со Јамаха, а Франко Морбидели со Јамаха Петронас на третото место.
На шестото место е светски лидер, Марк Маркез со својата Хонда. Тој беше скоро половина секунда побавен од Квартараро. Сепак, неговиот главен ривал за титулата, Андреа Довизозо (Дукати), беше на осмото место.