Јувентус го договорил најголемото засилување за летото?

Јувентус направи одличен зимски преоден рок, но веќе го подготвува теренот за летниот трансфер пазар.

Со доведувањето на Душан Влаховиќ и Денис Закарија, Старата дама доби засилување онаму каде што беше најпотребно, во нападот и во средниот ред.

Според најавите од Италија, „Бјанконерите“ веќе влегле во фаза на нов звучен трансфер кој ќе ги потресе Апенините.

Имено, Јувентус е повеќе од сериозно заинтересиран за Николо Заниоло, 22-годишниот играч од средниот ред на Рома, кој е познат како еден од најдобрите млади играчи во Серија А.

На тренерот Макс Алегри многу му се допаѓа Италијанецот и неговото доведување ќе биде еден од приоритетите за летниот преоден рок.

Разговорите меѓу Јувентус и агентот на Заниоло започнаа уште во декември, а следниот чекор ќе биде како да се убеди Рома да го продаде својот капиталец.

Дека нешто се случува потврдува и изјавата на директорот на Рома, Тиаго Пинто на прашањето за иднината на младиот Заниол.

Не можам да гарантирам дека Заниоло ќе игра за Рома следната сезона, не можам јас и никој не може“, изјави Пинто.

Инаку, Заниоло во минатото имаше доста проблеми со повреди и не успева да игра во континуитет. Неговиот договор со Рома истекува во 2024 година и засега нема индикации за продолжување на соработката.