Јувентус и Атлетико Мадрид и денеска ќе ги одмерат силите

Јувентус и Атлетико Мадрид сепак ќе ги одмерат силите.

Натпреварот првично беше откажан и требаше да се игра во Тел Авив, Израел.

Конфликтот меѓу Палестина и Израел вчера повторно ескалираше, па беше одлучено натпреварот да се одложи, но брзо се најде ново решение.

Натпреварот ќе се одигра на тренинг центарот на Јувентус во Торино.

Ќе се игра без публика и ќе се емитува на ТВ Јувентус.

Во понеделник, на 15 август, Јувентус од 20:45 часот ќе игра против Сасуоло, додека истиот ден од 19:30 часот Атлетико Мадрид ќе игра против Хетафе.

Што се однесува до претсезонските натпревари, Јувентус играше против Реал Мадрид (0:2), Барселона (2:2) и ја победи Гвадалахара со 2:0. Атлетико ги победи Нумансија со 4:0, Манчестер Јунајтед 1:0 и Кадиз (4:1).

Двата тима имаат големи амбиции пред новата сезона, особено Јуве, кој се засили и сака да им го врати скудетото на ветровите, додека Атлетико ќе има пеколна борба со Барселона и Реал Мадрид за самиот врв на табелата.

Во текот на летото, старата дама донесе некои големи играчи како Бремер, Погба и Ди Марија, додека Кјелини, Бернардешим Демирал, Дибала и Де Лигт, кој беше продаден на Баерн за речиси 80 милиони евра, го напуштија клубот.

Атлетико не тргуваше премногу. Беа донесени само Самуел Лино, Борха Гарсес и Нахуел Молина, додека клубот го напуштија дел од играчите, а најзначајно беше заминувањето на Луис Суарез, кому му истече договорот.