Јувентус има план да го донесе европскиот шампион

Според италијанските медиуми, торински Јувентус во зимскиот преоден рок повторно ќе се обиде во своите редови да го доведе Доменико Берарди, фудбалерот на Сасуоло и италијански репрезентативец кој со Италија го освои Европското првенство пред две години.

Првиот, неуспешен обид се случи на почетокот на актуелната сезона, а Јувентус во текот на зимата ќе се обиде со Берарди да ја повтори работата што ја направи со Сасуола во однос на Мануел Локатели, актуелниот играч за врска на „Стара дама“. Јувентус ќе се обиде да го донесе Берарди прв на позајмица со обврска да го откупи договорот. На тој начин веднаш би имал играч на располагање, а трошоците за трансфер би биле распоредени на неколку години.

Сасуоло за Берарди бара околу 30 милиони евра, а овој играч има валиден договор со Сасуоло до јуни 2027 година. Берарди одигра 27 натпревари за италијанската репрезентација и постигна осум гола, а оваа сезона овој крилен напаѓач веќе постигна пет првенствени гола за својот клуб. Јувентус моментално е втор на табелата во Серија А и заостанува два бода зад лидерот Интер.