Connect with us

Фудбал

Како гром од ведро небо: Вилијан избра клуб кој никој не го очекуваше

Бразилскиот фудбалер Вилијан очигледно ќе го напушти Челси на крајот од оваа сезона.

Договорот на Вилијан истекува на крајот на сезоната, а тој сепак треба да го одигра повратниот натпревар од осмина финалето на Лигата на шампионите против Баерн, а како што стојат работите, тој ќе се збогува со дресот на лондонскиот клуб.

За Вилијан и Челси се шпекулира дека преговараат за нов договор, но се чини дека веќе нема ништо од тоа. Бразилецот е поврзан со многу клубови, вклучувајќи ги Реал Мадрид и Манчестер Јунајтед.

Но, „Гардијан“ денес пишува дека Вилијан најверојатно ќе направи трансфер што никој не го очекуваше. Наводно, овој 31-годишник е на еден чекор од потпишувањето договор со Арсенал, што е сигурно изненадување за сите.

Тие само чека на Вилијан официјално да стане слободен и како што стојат работите, тој ќе остане во Лондон, но ќе го носи дресот на Арсенал во иднина. Челси има шанса да го расипе сето тоа и да ги понуди услови за договорот што го бараше Вилијан.