Каков натпревар на Олимпико: Рома во луда игра го победи најслабиот тим во лигата

Во 32. коло од италијанската Серија А на Олимпико, Рома ја совлада екипата на Салернитана со 2:1 во еден навистина неверојатен натпревар.

Салернитана прва постигна гол на овој натпревар. Радовановиќ постигна одличен гол во 22. минута за 1:0 и овој резултат долго остана на семафорот.

Сепак, најслабиот тим во лигата не успеа да освои бод во Рим, иако имаше водство до 81. минута од натпреварот бидејќи Волчицата дојде до голем пресврт.

Карлес Перез погоди во 81. минута со прекрасен гол за 1:1, а четири минути подоцна Рома го доби Крис Смолинг, кој по паузата погоди за 2:1.

Тимот на Жозе Мурињо така дојде до голема победа која им остава надеж за Лигата на шампионите, а четвртиот Јувентус им бега пет бода.

Овој натпревар на „Олимпико“ го одбележаа голем број на жолти картони. Ги имаше дури 13, а главна ѕвезда на натпреварот беше судијата Мануел Волпи.

Салернитана е убедливо последна на табелата со 16 бодови и со многу мали шанси за опстанок.